Topaz Premyer Liqasının VIII
turunun “Sumqayıt”la oyunu (1:0) “Neftçi”nin baş məşqçisi Arif Əsədov üçün
əlamətdar olub. Peşəkar Futbol Liqasının rəsmi saytı xəbər verir ki, mütəxəssis
indiki postunda yubiley – 25-ci qələbəsini qazanıb. 55-ci dəfə “ağ-qaralar”ı
baş məşqçi kimi meydana çıxaran Əsədov bu qarşılaşmalarda 19 heç-heçə və 11
məğlubiyyətə imza atıb. Bakılılar onun rəhbərliyi altında 24 dəfə Premyer Liqa, 1 dəfə
ölkə kubokunda qələbə qazanıb.
Baş məşqçiyə 25-ci
qələbəni qazandıran qolun müəllifi Ernest Nfor “Neftçi”nin heyətində 50-ci
matçını keçirib. Bu oyunların 37-si Premyer Liqa, 6-sı avrokubok, 1-i
Superkubok, 6-sı Azərbaycan kubokuna təsadüf edib. Kamerunlu bu 50 görüşdə
11-ci qolunu vurub.
|