Premyer Liqanın V turunun mərkəzi qarşılaşmasında "Xəzər Lənkəran"ı qəbul edən "Neftçi" 2:1 hesabıyla qələbə qazandı.

Böyükağa Hacıyev,  “Neftçi” klubunun baş məşqçisi: “Biz oyun üslubumuzu bir qədər dəyişmək məcburiyyətində qalmışdıq. Çünki “Xəzər Lənkəran”la oyunu Serbiyanın “Partizan” klubunun məşqçisi də izləyirdi. Mən sehrbaz deyiləm. Ona görə də gələn həftə nə olacağını deyə bilmərəm. Ola bilər ki, “Sumqayıt”a uduzub, “Partizan”ı məğlub edək. Hər şeyə rəğmən, bu gün biz nəticəyə oynadıq. Nəticə də məni qane edir”.

Yunis Hüseynov, “Xəzər Lənkəran” klubunun baş məşqçisi: “Biz futbol oynadıq, “Neftçi” qələbə qazandı. Çoxlu qol imkanlarımız olsa da, yararlana bilmədik. Qapıçının səhvinə gəlincə, mən Orxan Sadıqlıya inanıram. O, perspektivli qapıçıdır. Bu günlərdə daha bir qapıçı düşərgəmizə gəlməlidir”.