Unibank Premyer Liqasının 28-ci turunda AZAL doğma meydanda “Rəvan”la 1:1 hesablı heç-heçəyə nail oldu.

Bəhmən Həsənov, “Rəvan” klubunun baş məşqçisi: “Vaqif Sadıqovu təyinatı ilə bağlı təbrik edirəm. Hər iki komanda bu gün qələbəyə oynadı, təəssüf ki, yaratdığımız qol imkanlarından istifadə edə bilmədik. Hesab oyuna görə oldu. Qarşımıza 7-ci yeri tutmağı məqsəd qoymuşuq. Zədəli futbolçuların olması bugünkü oyunumuza təsir etdi. Futbolçulara əzmkarlığa görə təşəkkür edirəm”.

Vaqif Sadıqov, AZAL klubunun baş məşqçisi: “Doğurdan da, maraqlı oyun oldu, hər iki komandada qələbə əzmi var idi. 4-5 oyunçunu əvəzedici heytdən cəlb etmişdik. Sona qədər mübarizə apardıq. Artıq ikinci oyundur ki, hesabda geridə olduqdan sonra bərabərlik qolunu vura bilirik. Komanda “Rəvan” sindromunu qırmağa çalışırdı. Bu, bizim “Rəvan”la ilk heç-heçəmiz idi. Futbolçularım oyunda tapşırıqları yerinə yetirə bildilər. Yalnız bu cür uğur qazanmaq olar. Gələn çempionatda hər iki komandanın ilk altılıq uğrunda mübarizə aparacağına inanıram”.