Topaz Premyer Liqasının 20-ci turunda “Kəpəz”in qonağı olan “Rəvan” rəqibini 2-0 hesabı ilə məğlub etdi.

Ramil Əliyev, “Rəvan” klubunun baş məşqçisi: “Turnir cədvəlinə baxdıqda iki autsayderin oyunu olsa da, maraqlı qarşılaşma izlədik. Komandam həm topa, həm də oyuna nəzarət edirdi, bu da hesabda öz əksini tapdı. Futbolçuları və klub rəhbərliyini qələbə ilə təbrik edirəm. “Kəpəz” mübaiz komandadır, rəqib komandaya bir az təcrübə çatmır”.

Mahmud Qurbanov, “Kəpəz” klubunun baş məşqçisi: “Rəqib bizdən üstün idi, daha çox qol epizodları yaratdılar. Xaraktersiz futbolçularla heç nəyə nail olmaq olmaz. Rəhbərliklə istefa barəsində danışmaq istəyirəm. Məğlubiyyət heç kimi qane etmir, məni də həmçinin”.