İntizam Komitəsinin bu gün keçirilən iclasında aşağıdakı qərarlar qəbul edildi:

Misli Premyer Liqasında XVI turun “Neftçi” – “Qarabağ” oyununda “Neftçi” komandasının azarkeşləri tərəfindən təhqiredici ifadələrin işlənməsinə görə “Neftçi” klubu 4000 manat cərimə edilir (maddə 41.7.);

“Qarabağ” komandasının azarkeşləri tərəfindən pirotexniki vasitədən istifadə edilməsinə görə “Qarabağ” klubu 800 manat cərimə edilir (maddə 51.2.);

XVI turun “Sabah” – “Şamaxı” oyununda “Sabah” komandasının oyunçusu Kristian Sebalyos təcavüzkar davranışa görə birbaşa qırmızı vərəqə aldığına görə 2 oyun cəzalanır, “Sabah” klubu 1600 manat cərimə edilir (maddə 37.1.);

“Şamaxı” komandasının oyunçusu Elçin Mustafayev ciddi qayda pozuntusuna görə birbaşa qırmızı vərəqə aldığı üçün 2 oyun cəzalanır, “Şamaxı” klubu 1600 manat cərimə edilir (maddə 36.1.);

XVI turun “Kəpəz” – “Sumqayıt” oyununda “Kəpəz” komandasının qapıçısının formasında qüsur olduğu üçün oyun vaxtında başlanmadığına görə “Kəpəz” klubu 800 manat cərimə edilir (maddə 69.5.);

“Sumqayıt” komandasının oyunçusu Vüqar Mustafayev ikinci sarı vərəqə alaraq meydançadan qovulduğu üçün 1 oyun cəzalanır, klub 200 manat cərimə edilir (maddə 47.1.);

I Divizionun XIII turunun “Şamaxı-2” – “Kəpəz-2” oyununa Təcili Tibbi Yardım maşınının gecikməsinə görə “Şamaxı-2” komandası 160 manat cərimə edilir (maddə 59.4);

Polis nümayəndəsinin iclasa gecikməsinə görə “Şamaxı-2” komandası 40 manat cərimə edilir (maddə 62.2);

XIII turun “Zaqatala” – “Turan Tovuz-2” oyununda “Zaqatala” klubunun 4 oyunçusu sarı vərəqə ilə cəzalandığı üçün klub 80 manat cərimə edilir (maddə 39.);

XIII turun “İmişli” – “Sumqayıt-2” oyununda “İmişli” klubunun 4 oyunçusu sarı vərəqə ilə cəzalandığı üçün klub 80 manat cərimə edilir (maddə 39.);

XIII turun “Qaradağ Lökbatan” – MOİK matçı xərəkdaşıyanlarla təmin edilmədiyi üçün “Qaradağ Lökbatan” klubu 80 manat cərimə edilir (maddə 64.1).