İntizam Komitəsinin bu gün keçirilən iclasında aşağıdakı qərarlar qəbul olundu:

Premyer Liqanın II turunun “Sabah” – “Keşlə” matçının 74-cü dəqiqəsində “Keşlə” klubunun 10 №-li futbolçusu Sezar Meza Colli ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 200 manat cərimə olunur.

Premyer Liqanın II turunun “Zirə” – “Neftçi” matçının 80-cı dəqiqəsində “Zirə” klubunun məşqçisi Anar Niftəliyev texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanır, klub 800 manat cərimə olunur.

Premyer Liqanın II turunun “Sumqayıt” – “Səbail” matçı başa çatdıqdan sonra “Sumqayıt” futbol klubun prezidenti Riad Rəfiyev və klubun baş məşqçisi Ayxan Abasov oyunun hakiminin qərəzli idarə etmələri haqqında fikirlər bildirmişdilər.

İntizam Komitəsi Riad Rəfiyev və klubun baş məşqçisi Ayxan Abasova bu hala görə ciddi xəbərdarlıq edir. Bu hal təkrar olunarsa şəxslər İntizam Məcəlləsinə uyğun olaraq ciddi cəzalanacaqlar.

I divizionun I turunun “Qaradağ Lökbatan” – “Sumqayıt-2” matçında “Qaradağ Lökbatan” klubunun “A” buraxılışından istifadə etməməsinə görə klub 80 manat cərimə olunur.

“Qaradağ Lökbatan” klubu matçın protokolunu vaxtında təsdiq etmədiyinə görə klub 80 manat cərimə olunur.

I divizionun I turunun “Neftçi-2” – “Keşlə-2” matçında hər iki komandanın 4 futbolçusu sarı vərəqə ilə cəzalandığı üçün hər iki klub 80 manat cərimə olunur.

Oyunun 47-ci dəqiqəsində “Keşlə” klubunun 66 №-li futbolçusu Murad Qayalı ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur.

Oyunun 75-ci dəqiqəsində “Neftçi” klubunun 75 №-li futbolçusu Nihad Qurbanlı sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunur

I divizionun I turunun “Zaqatala” – “Sabah-2”  matçının 24-cü dəqiqəsində “Zaqatala” klubunun 17 №-li futbolçusu Bəhruz Teymurov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır, klub 160 manat cərimə olunur.

“Sabah-2” klubunun nümayəndəsinin oyun öncəsi iclasda iştirak etməməsinə görə klub 80 manat cərimə olunur.

I divizionun I  turunun “Zirə-2” – “Ağsu” matçında “Zirə” klubunun 5 futbolçusu sarı vərəqə ilə cəzalandığı üçün klub 80 manat cərimə olunur.

Oyun öncəsi iclasda təcili tibbi yardım nümayəndəsi iştirak etmədiyinə görə meydan sahibi klub 40 manat cərimə olunur.

I divizionun I  turunun “Səbail-2” – “Turan Tovuz” matçında “Turan Tovuz” klubunun 5 futbolçusu sarı vərəqə ilə cəzalandığı üçün klub 80 manat cərimə olunur.

Xərək daşıyan uşaqların yaşlarının əsasnaməyə uyğun olmamasına görə meydan sahibi klub 80 manat cərimə olunur (minumum 18 yaş).

I divizionun I  turunun “Kəpəz” və MOİK matçında “Kəpəz” klubunun “A” buraxılışından istifadə etməməsinə görə klub 80 manat cərimə olunur.