İntizam Komitəsinin bu gün keçirilən iclasında aşağıdakı qərarlar qəbul olundu. Azərbaycan Kubokunun 1/2 mərhələsinin “Neftçi” – “Qəbələ” matçının 84-cü dəqiqəsində Rəşad Sadiqov ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 200 manat cərimə olunur (maddə 48).
“Neftçi” – “Qəbələ” matçının 74-cü dəqiqəsində “Qəbələ” klubunun futbolçusu Aleksey Qay və oyunun 86-cı dəqiqəsində “Neftçi” klubunun futbolçusu Fəhmin Muradbəyli sarı vərəqə ilə cəzalandırılıb.
İntizam Komitəsi oyunun video yazısını izlədikdən sonra aşağıdakı qərarları qəbul edir:
Oyunun 74-cü dəqiqəsində “Qəbələ” klubunun 19 №-li futbolçusu Aleksey Qaya simuliyasiyaya görə göstərilmiş sarı vərəqə hakimin epizodu düzgün qiymətləndirməməsi səbəbindən ləğv olunur (maddə 19) .
Oyunun 86-cı dəqiqəsində “Neftçi” klubunun 19 №-li futbolçusu Fəhmin Muradbəyliyə simuliyasiyaya görə göstərilmiş sarı vərəqə hakimin epizodu düzgün qiymətləndirməməsi səbəbindən ləğv olunur (maddə 19) .
Hakimlər Komitəsi oyunun hakimi haqqında lazımi ölçü götürüb İntizam Komitəsini məlumatlandırsın.
Topaz Premyer Liqasının XXXII turunun “İnter” – “Sumqayıt” matçının 27-ci dəqiqəsində “İnter” klubunun 1 №-li futbolçusu Kamran Ağayev sonuncu ümid fouluna görə birbaşa qırmızı vərəqə alaraq meydançadan kənarlaşdırıldığı üçün 1 oyun cəzalanır, klub 200 manat cərimə olunur (maddə 48).
Oyunun 90+1-ci dəqiqəsində “Sumqayıt” klubunun 5 №-li futbolçusu Cəmil Hacıyev kobud oyuna görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanır, klub 2000 manat cərimə olunur (maddə 37.1).
Topaz Premyer Liqasının XXXII turunun “Zirə” – “Qarabağ” matçı başa çatdıqdan sonra “Qarabağ” klubunun azarkeşləri tərəfindən pirotexniki vasitələrdən istifadə edildiyinə görə klub 1000 manat cərimə olunur (maddə 52.2).
Əvəzedici heyətlərin XXXII turunun “İnter” – “Sumqayıt” matçında “İnter” klubunun 31 №-li futbolçusu Vüqar Həsənov ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 100 manat cərimə olunur (maddə 48).
I Divizionun XXIV turunun “Bakılı” – “Şahdağ” matçının 11-ci dəqiqəsində “Şahdağ” klubunun 10 №-li futbolçusu Vüsal Səfərov ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 20 manat cərimə olunur (maddə 48).
I Divizionun XXIV turunun “Energetik” – “Bakı” matçının 45-ci dəqiqəsində “Energetik” klubunun 17 №-li futbolçusu Etibar Alıyev və“Bakı”nın 41 №-li futbolçusu Müşfiq İlyasov rəqibi təhqir etdiklərinə görə birbaşa qırmızı vərəqə alaraq meydançadan kənarlaşdırıldıqları üçün hər iki futbolçu 3 oyun cəzalanır, klublar 200 manat cərimə olunur (maddə 42.3).
Oyunun 45-ci dəqiqəsində “Energetik” klubunun 1 №-li futbolçusu Zamir Cəlilov aqressiv hərəkətə görə birbaşa qırmızı vərəqə alaraq meydançadan kənarlaşdırıldığına görə 4 oyun cəzalanır, klub 400 manat cərimə olunur (maddə 38.3).
Oyunun 85-ci dəqiqəsində “Bakı” klubunun 56 №-li futbolçusu Qeyrət Əliyev ikinci sarı vərəqə alaraq meydançadan kənarlaşdırıldığı üçün 1 oyun cəzalanır, klub 20 manat cərimə olunur (maddə 48).
|