Unibank Premyer Liqasının XXXI turunun “Xəzər Lənkəran” –  “Qəbələ” matçının 31-ci dəqiqəsində “Qəbələ” klubunun  18 №-li futbolçusu Aleksandr Çertaqanov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

“Xəzər Lənkəran” klubu İntizam Komitəsinə məktubla müraciət edərək Unibank Premyer Liqasının XXXI turunun “Xəzər Lənkəran” – “Qəbələ” matçının hakim idarəçiliyi ilə bağlı öz narazıçılığını bildirmişdir.

Hakimlər Komitəsi matçın hakimlərinin idarəçiliyini dəyərləndirdikdən sonra İntizam Komitəsinin növbəti iclasına kimi Komitəyə məlumat versin.

Unibank Premyer Liqasının XXXI turunun “Simurq” –  “Rəvan” matçında “Rəvan” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Matçın 88-ci dəqiqəsində “Simurq” klubunun azarkeşləri tərəfindən meydançaya kənar əşya atıldığı üçün klub 2000 manat cərimə olunur (maddə 52).

Oyunun 90+3-cü dəqiqəsində “Rəvan” klubunun  18 №-li futbolçusu Samuel Barlay idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunur (maddə 48).

Unibank Premyer Liqasında çıxış edən klubların əvəzedici heyətlərinin XXXI turunun “İnter” – “Bakı” matçında “İnter” klubunun 5, “Bakı” klubunun 6 futbolçusu sarı vərəqə ilə cəzalandığı üçün hər iki klub 500 manat cərimə olunur (maddə 40).

Unibank Premyer Liqasında çıxış edən klubların əvəzedici heyətlərinin XXXI turunun “Xəzər Lənkəran” – “Simurq” matçının 45-ci dəqiqəsində “Xəzər Lənkəran” klubunun  17 №-li futbolçusu Zahid Quliyev sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).

Oyunun 85-ci dəqiqəsində “Simurq” klubunun  18 №-li futbolçusu Bəhram Bəhramzadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48). 

Unibank Premyer Liqasında çıxış edən klubların əvəzedici heyətlərinin XXXI turunun “Kəpəz” – “Neftçi” matçının 77-ci dəqiqəsində “Neftçi” klubunun 20 №-li futbolçusu Elnur Soltanlı kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48). 

Azərbaycan I divizionunun XXIX turunun “Şuşa” – MOİK matçında MOİK klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Oyunun 47-ci dəqiqəsində MOİK klubunun 6 №-li futbolçusu Xətai Səyyadovla “Şuşa” klubunun 23 №-li futbolçusu Xəzər Qəribov bir-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün futbolçular 3 oyunluq cəzalanır, klublar 200 manat cərimə olunur (maddə 42.1).  

Azərbaycan I divizionunun XXIX turunun “MKT Araz” – “Energetik” oyununun 87-ci dəqiqəsində “Energetik” klubunun 7 №-li futbolçusu Pərvin Mədətovla “MKT Araz” klubunun 22 №-li futbolçusu Ruhin Tağıyev bir-birini təhqir etdiyinə görə birbaşa qırmızı vərəqə alaraq meydandan kənarlaşdırıldıqları üçün futbolçular 3 oyunluq cəzalanır, klublar 200 manat cərimə olunur (maddə 42.1).  

Azərbaycan I divizionunun XXIX turunun “Neftçala” – “Bakılı” matçında “Bakılı” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).