Unibank Premyer Liqasının 25-ci turunda “Neftçi” doğma azarkeşləri önündə “Xəzər Lənkəran”ı qəbul edib. Hər iki komandanın hərəyə bir dəfə fərqləndiyi qarşılaşmadan rəqiblər bir xalla ayrılıblar. Yunis Hüseynov, “Xəzər Lənkəran” klubunun baş məşqçisi: “Bura qələbə dalınca gəlmişdik. Təəssüflər olsun ki, qələbə qazana bilmədik və 1 xalla kifayətəndik. Normal oyun alındı. Deməzdim ki, komanda pis oynadı. Komandaya yaxşı bələd deyiləm. Bu gün bəzi futbolçuları yoxladım. Onların nəyə qadir olduqlarını gördüm. Futbolçularımın fiziki durumu zəifdir və komandada xəttlərarası mövqedə də prolemlər var. Rikardo Qomeşin oyununu izləməmişdim. Bu oyunda isə onun nəyə qadir olduğunu gördüm və artıq çəkidən əziyyət çəkdiyinin şahidi oldum. Növbəti oyunda Qomeşdən maksimum yararlanmağa çalşacağıq. "Xəzər Lənkəran"a yeni gəlmişəm və çalışacağam ki, özümü doğruldum. İstefa haqda fikirləşmək belə istəmirəm”.
Böyükağa
Hacıyev, "Neftçi" klubunun baş məşqçisi: "Gərgin
oyun oldu. Penalti epizoduna qədər komandam 1:0 hesabı ilə irəlidə idi. Lakin
fasilədən sonra hesab bərabərləşdi. "Neftçi" hansı oyunda
penaltini qola çevirə bilmirsə, həmin görüşdə komanda ya uduzur, ya da heç-heçə
edir. Bununla belə, komandanın oyunu pis alınmadı. Rəşad Abdullayevin əvəzlənərkən
etiraz etməsinə gəldikdə isə onsuz da, o, heç nədən razı qamır. R.Abdullayev 70 dəqiqə meydanda
olsa
da, heç nə ilə yadda qalmadı. Ona görə də onu əvəzlədim. Komandada heç bir
futbolçunun daimi yeri yoxdu. Qol epizodunda Stamenkoviçin səhv etdiyinə görə, yəqin
ki, növbəti oyunda qapıda Rauf Mehdiyevə şans verəcəyəm".
|