Paytaxtın “İnter” klubunun məğlubiyyətsiz oyunlar seriyası qırılıb. Unibank Premyer Liqasının II turunda “Qarabağ”a 0:1 hesabı ilə uduzduqdan sonra keçirdiyi 17 qarşılaşmada məğlub olmayan Kaxaber Sxadadzenin yetirmələri XXII turda “Bakı”dan xal ala bilməyib. “İnter” yenə də 0:1 hesabı ilə uduzaraq şəxsi rekordunu təkrarlaya bilməyib.
III turun “Bakı” ilə oyunundakı texniki nəticə (0:3) nəzərə alınmamaqla “İnter” IV-XXI turlarda keçirdiyi 17 görüşdə 11 qələbə qazanıb 6 heç-heçə etmişdi. Bu qarşılaşmalarda top fərqi 19:5-dir.
“İnter”in çempionatdakı ən uzun məğlubiyyətsiz oyunlar seriyası isı 21-ə bərabərdir. 2008-ci il aprelin 3-də “Xəzər Lənkəran”a məğlubiyyətdən sonra “İnter” ardıcıl 21 dəfə meydanı xalsız tərk etməmişdi. Həmin vaxt 2009-cu il fevralın 8-də Valentin Xodukinin baş məşqçisi olduğu komandanı elə indi olduğu kimi “Bakı” dayandırmışdı – 0:1.
|